काठमाडौं । गृहमन्त्री बालकृष्ण खाँणले एमसीसीको पक्षमा खुलेरै वकालत गर्दै हिँडेका बेला नेपालका लागि चिनियाँ राजदूत होइ यान्छीले गृहमन्त्री खाँणसँग शिष्टाचार भेटघाट गरेकी छिन् । आज मध्यान्ह गृह मन्त्रालयमा भएको भेटघाटमा दुई देशबीचको आपसी सम्बन्ध अझै सुदृढ गर्ने विषयमा छलफल भएको बताइएको छ ।
भेटवार्तामा चिनियाँ उच्च पदस्थ अधिकारीको नेपाल भ्रमणबारे कुराकानी भएको गृहका एक अधिकारीले जानकारी दिए । ती अधिकारीले भेटवार्तामा चिनियाँ विदेशमन्त्री वाङ यीको नेपाल भ्रमणबारे कुराकानी भएको बताए । चिनियाँ विदेशमन्त्री वाङ यीको अहिलेसम्म नेपाल भ्रमणबारे औपचारिक निर्णय भने भएको छैन ।
प्रतिक्रिया