इस्लामावाद । पाकिस्तानले युक्रेनमा मानवीय सहायता सामाग्री पठाएको छ ।
मंगलबार राति दुईवटा सी–१३० विमानमार्फत सहायता सामाग्री पठाएको पाकिस्तानी विदेशमन्त्री शाह महमूद कुरैशीले बताएका छन् ।
पाकिस्तानको नूर खान एयरबसमा कुरा गर्दै विदेशमन्त्री कुरैशीले इस्लामाबादस्थित युक्रेनी दूतावासको अनुरोधमा सहायता पठाइएको जानकारी दिएका छन् ।
पाकिस्तानी सहायाता सामाग्रीमा त्रिपाल, कम्बल, स्लिपिङ ब्याग, औषधी, क्यान फुड, जेनेरेटर, साबुन, हात धुने, औषधि लगायतका रहेका छन् । युक्रेनसँगको लामो सम्बन्धका आधारमा पाकिस्तानले सहायता सामाग्री पठाएको हो ।
सहायता सामाग्री पठाउँदै विदेशमन्त्री कुरैशीले पाकिस्तान वार्ता र कुटनीतिमार्फत युक्रेनमा देखिएको समस्या समाधान गर्न चाहेको बताएका छन् ।
गत फेब्रुअरी २४ तारिखदेखि छिमेकी रुसले आक्रमण सुरु गरेपछि युक्रेनमा गम्भीर मानवीय संकट उत्पन्न भएको छ ।
प्रतिक्रिया