१५ चैत्र २०८०, बिहिबार | March 28, 2024

तिलोत्तमा नगर पहिलो अन्तर्राष्ट्रिय गुणस्तर मापदण्डमा सूचीकृत



बुटवल । रुपन्देहीको तिलोत्तमा नगरपालिकाले अन्तर्राष्ट्रिय गुणस्तर चिन्ह प्राप्त गरेको छ । मुलुककै पहिलो नगरपालिकाको रूपमा तिलोत्तमा अन्तर्राष्ट्रिय गुणस्तर प्रमाणित नगर बनेको हो ।

तिलोत्तमा नगरपालिकाले आफ्नो कार्यसम्पादनका विभिन्न ३६ वटा सूचक पुरा गरी युनाइटेड एप्लिकेशन फाउण्डेशन अमेरिकाद्वारा अन्तर्राष्ट्रिय गुणस्तर प्रमाणित प्राप्त गरेको हो । यो देशभरकै नगरपालिकामा पहिलो भएको नगरपालिकाको दाबी छ ।

मंगलबार एक समारोहका बीच आइएसओे सर्टिफिकेशन नेपालका म्यानेजर सुदिप शर्माले नगरपालिकाका नगरप्रमुख वासुदेव घिमिरेलाई सो प्रमाणपत्र प्रदान गरेका हुन् । समारोहमा नगर प्रमुख वासुदेव घिमिरेले सिंगो नगरवासी, जनप्रतिनिधि र कर्मचारीको मेहनत र परिश्रमले नगरपालिकाले यो सफलता हासिल गरेको बताए ।

नगरप्रमुख घिमिरेले नगरपालिकाले विभिन्न मापदण्डमा रहेका सूचक पुरा गर्ने लक्ष्य सहित अघि बढेर समयमै कार्य सम्पन्न गरी देशमै पहिलोपटक अन्तर्राष्ट्रिय गुणस्तर प्रमाणपत्र प्राप्त गरेको बताए ।

उनले तीन वर्षसम्म म्याद रहने सो गुणस्तरलाई दिगोपन दिन सबै कर्मचारी जनप्रतिनिधि तथा नगरवासीहरूले समेत यसको गरिमा बचाई राख्नुपर्ने बताए । कार्यक्रममामा विभिन्न राजनीतिक दलका प्रतिनिधि, संघसंस्थाका प्रतिनिधि, बुद्धिजीवी, पत्रकार तथा सञ्चारकर्मी सहभागी थिए ।

त्यस अवसरमा बोल्दै आइएसओे सर्टिफाइड नेपालका म्यानेजर सुदिप शर्माले गुणस्तर मापदण्ड पुरा गरी नगरपालिकाले गरेको कार्यसम्पादनका आधारमा गरिएको अनुगमनबाट सो प्रमाणपत्र प्रदान गरिएको बताए ।

उनले देशभरमा अन्य केही पालिकाले समेत प्रक्रिया अगाडि बढाइरहेको सन्दर्भमा तिलोत्तमा नगरपालिकाले सो मापदण्ड सहित २४ सूचक पुरा गरी प्रमाणपत्र प्राप्त गरेको बताए । ुनगरपालिकाले आइएसओ प्रमाणीकरणका लागि आवश्यक ३० वटा सूचक मध्ये २४ वटा सुचकमा उत्तीर्ण भएको छ । त्यसैले अन्तर्राष्ट्रिय गुणस्तर मापदण्डमा प्रमाणित भएको हो,ु उनले भने

कार्यक्रममा नगरपालिकाका प्रमुख प्रशासकीय अधिकृत जीवन ज्ञवाली, नेकपा एमाले रुपन्देहीका सचिव यज्ञ गैरे, नेकपा माओवादी केन्द्रका नगर अध्यक्ष बेलप्रसाद शर्मा, नेपाली कांग्रेसका नगर सभापति हरिलाल पाण्डे लगायतले बोल्दै नगरपालिकाले एक पछि अर्को गर्दै प्राप्त गरेको सफलताले नगरवासीको शिर उच्च बनाएको बताए ।

प्रकाशित मिति : ८ चैत्र २०७८, मंगलबार  ६ : ४७ बजे

रुपन्देही प्रहरीले हराएका १२ थान मोवाईल फेला पारी मोबाइल धनिलाई बुझायो

बुटवल । रुपन्देही प्रहरीले जिल्लाका बिभिन्न स्थानबाट मोबाइल हराएको भन्दै

स्वास्थ्यमन्त्री यादवलाई रास्वपाको २६ बुँदे सुझाव

काठमाडौं । राष्ट्रिय स्वतन्त्र पार्टी (रास्वपा) को स्वास्थ्य विभागले बिहीबार

गगन थापाको टिप्पणी- ‘बा र भगवान प्रश्नभन्दा माथि !’

काठमाडौँ ।  नेपाली कांग्रेसका महामन्त्री गगन थापाले बा र भगवानलाई

बजेट मागिरहने तर पुँजीगत खर्च गर्न नसक्ने अवस्थाको अन्त्य हुनुपर्छ : प्रधानमन्त्री

काठमाडौं । प्रधानमन्त्री पुष्पकमल दाहाल ‘प्रचण्ड’ले हरेक आर्थिक वर्षमा बजेट

राष्ट्रियसभाकी उपाध्यक्ष उर्मिला अर्यालको राजीनामा

काठमाडौं । राष्ट्रियसभाकी उपाध्यक्ष उर्मिला अर्यालले पदबाट राजीनामा दिएकी छन्