७ श्रावण २०८१, सोमबार | July 22, 2024

एमालेको आरोप – निर्वाचन आयोग सत्ता गठबन्धनसँग सेटिङमा लाग्यो



काठमाडौं । नेकपा (एमाले)ले निर्वाचन आयोग सत्ता गठबन्धनसँग साँठगाँठ गरेको आरोप लगाएको छ ।

आइतबार बसेको एमाले स्थायी कमिटी बैठकले सरकार र निर्वाचन आयोगले नै निर्वाचन प्रभावित पार्ने निर्णय गरिरहेको भन्दै आपत्ति जनाएको छ । एमालेले मतपत्रमा हरियो रंगको निर्वाचन चिन्ह बनाउने र दुई दिन मनोनयन दर्ताको निर्णय सच्चाउन पनि माग गरेको छ ।

बैठकलाई सम्बोधन गर्दै अध्यक्ष केपी शर्मा ओलीले दलहरुसँग परामर्श नगरी एउटा दल विशेषलाई फाइदा पुग्ने गरी मतपत्रको रंग परिवर्तन गरेको भन्दै आपत्ति जनाएका थिए । ओलीले बैठकमा भने, ‘विगतमा पनि हामी निर्वाचन आयोगबाट पीडित छौं । आयोगबाट यस्ता क्रियाकलाप नहोस् । यस्ता कुरामा हामीले आयोगको विरोध गर्नुपर्छ । सत्तापक्षको फाइदाका लागि आयोग अनुचित कुरामा फाइदा लिएर काम गरिरहेको छ ।ु

ओलीले सत्ता गठबन्धनको किचलो मिलाउनकै लागि आयोगले मनोनयन दर्ताका लागि दुई दिन समय छुट्टयाएको आरोप लगाए । गठबन्धनको द्वन्द्व मिलाउन आयोगले सेटिङमा काम गरिरहेको ओलीको आरोप थियो । ुमनोययन दर्ता गर्नका लागि दुई दिन दिने न पहिले प्रचलन थियो, कहिल्यै थिएन । उनले भने, ‘सत्ता गठबन्धनबीचको समझदारीमा दुई दिन मनोनयन दर्ताको समय दिइयो । यो बुझ्दैन प्रतिपक्षीले भन्ने ठानियो भने विनम्रता साथ हामीले निर्वाचन आयोगलाई भन्नुपर्छ यत्तिको चाहिँ बुझ्छौं । सत्ताको साँठगाँठले यस्तो भएको चाहिँ बुझ्छौं ।’

ओलीले निर्वाचन आयोग निष्पक्ष, तटस्थ र स्वतन्त्र बन्नुपर्ने बताए । तर सेटिङयुक्त काम गरेर आयोग तबरले हिँड्नु खेदजनक भएको उनले बताए ।

प्रकाशित मिति : १३ चैत्र २०७८, आइतबार  ६ : १२ बजे

एमाले उपनेता चेतनारायण आचार्य लुम्बिनी प्रदेशको मुख्यमन्त्रीमा नियुक्त

नेपालगन्ज । लुम्बिनी प्रदेशसभामा एमाले संसदीयदलका उपनेता चेतनारायण आचार्य प्रदेश

नयाँ सरकार गठनमा लुम्बिनीमा एमालेको विवाद छताछुल्ल

नेपालगन्ज । माओवादी संसदीयदलका  नेता एवं मुख्यमन्त्री जोखबहादुर महराले राजीनामा

लुम्बिनी प्रदेशको मुख्यमन्त्रीमा चेतनारायण आचार्यले गरे दाबी पेस

बुटवल । नेकपा एमाले संसदीय दलका उपनेता चेतनारायण आचार्यले लुम्बिनी

भ्रष्टाचारको निष्पक्ष र स्वतन्त्र छानबिनमा सरकार प्रतिबद्ध छ : प्रधानमन्त्री ओली

काठमाडौं । प्रधानमन्त्री केपी शर्मा ओलीले विभिन्न समयमा चर्चामा आएका

हरिवंश आचार्यले दिए आफ्नो स्वास्थ्य सामान्य रहेको जानकारी

काठमाडौँ । हास्य कलाकार हरिवंश आचार्यको नाकभित्रको सानो नसा फुटेको