काठमाडौं । राष्ट्रपति विद्यादेवी भण्डारीले नारायणप्रसाद दाहाललाई राष्ट्रियसभा सदस्यमा मनोनित गरेकी छिन् ।
नेपालको संविधानको धारा ८६ को उपधारा २ को खण्ड ‘ख’ बमोजिम नेपाल सरकारको सिफारिसमा चितवनका दाहाललाई राष्ट्रियसभामा मनोनित गरिएको राष्ट्रपति कार्यालयका प्रवक्ता सागर आचार्यद्वारा जारी विज्ञप्तिमा उल्लेख छ ।
माओवादी केन्द्रको बागमती प्रदेश इन्चार्ज रहेका दाहाल माओवादी अध्यक्ष पुष्पकमल दाहाल प्रचण्डका नजिकका भाइ हुन् । राष्ट्रियसभामा रिक्त राष्ट्रपतिद्वारा मनोनित हुने एक पदमा प्रचण्डले दाहाललाई सिफारिस गरेपछि सरकारले पनि राष्ट्रपतिलाई सोहीअनुसार सिफारिस गरेको थियो ।
यसअघि सो पदमा माओवादी कोटाबाटै वरिष्ठ अधिवक्ता रामनारायण विडारी रहेका थिए ।
प्रतिक्रिया