विराटनगर । स्थानीय तहको निर्वाचनका लागि जनमत पार्टीले टिकट वितरणको अन्तिम तयारी गरेको छ । सो पार्टीले उम्मेदवारको अन्तिम टुंगो लगाउँदै निर्वाचनको अन्तिम तयारी गरेको हो ।
पार्टीको केन्द्रीय कार्यालय जनकपुरधाममा पालिकाका मेयर/उपमेयर तथा अध्यक्ष/उपाध्यक्षको टिकट वितरण गर्ने तयारी गरिएको जनमत पार्टीले जनाएको छ ।
आज मेयर, उपमेयर तथा अध्यक्ष उपाध्यक्षको टिकट वितरण गरिने छ भने बैशाख ७–८ गते वडाहरूको टिकट वितरण हुने जनाइएको छ । सो पार्टीका अनुसारउम्मेदवारहरुको टिकट विराटनगर र लुम्बिनी प्रदेशको भैरहवाबाट पनि वितरण हुने छ ।
जनमत पार्टीले उम्मेदवार हुनका लागि नयाँ मापदण्ड तोकेको छ । मापदण्ड अनुसार उम्मेदवारहरूले मनोनयन–पत्र लिनु अगावै पार्टीको अनुशासनमा बस्ने र भ्रष्टाचारमा संलग्न नहुने प्रतिबद्धता–पत्रमा हस्ताक्षर गर्नुपर्नेछ । जनमत पार्टीका उम्मेदवारहरुले निर्वाचनमा हुने खर्च आफै गर्नुपर्ने जनमत पार्टीले जनाएको छ ।
प्रतिक्रिया