जसपाले आज स्थानीय तह निर्वाचनको घोषणापत्र सार्वजनिक गर्दै

काठमाडौं । जनता समाजवादी पार्टी (जसपा) ले स्थानीय तह निर्वाचनको घोषणा पत्र आज सार्वजनिक गर्ने भएको छ ।

आईतवार पार्टीले स्थानीय तह निर्वाचनको घोषणा पत्र सार्वजनिक गरेर स्थानीय तह निर्वाचनका लागि उम्मदवारी मनोनयन दर्ता थाल्ने जनाएको हो ।

पार्टीको घोषणापत्रमा प्रत्येक पालिकामा चक्रपथ निर्माण गर्ने पानीको महसुल २ सय रुपैयाँसम्म मिनाहा गर्ने लगायतका बुँदा समावेश छन । घोषणापत्रमा सम्मुन्नत संघीय समाजवादको सिद्धान्तबाट प्रशिक्षित तथा निर्देशित, सुशासन, सहभागिता र समावेशी विकासको मार्गबाट समृद्ध नेपाल निर्माण गर्ने पार्टीको मुख्य लक्ष्य र कार्यभार भएको कुरामा जोड दिने बताइएको छ ।

पार्टीले अर्थतन्त्रको सञ्चालन र विकासममा निजी क्षेत्र, राज्य क्षेत्र, सहकारी क्षेत्र र सामुदायिक क्षेत्रको भुमिकाको गतिशील सन्तुलन कायम गर्ने प्रतिवद्धतासमेत गरेको छ ।