बुटवल । पाँच दलीय गठबन्धन बनाएर चुनावमा जाने केन्द्रीय निर्णय विपरित बुटवलमा गठबन्धन भित्रको जनता समाजवादी पार्टी (जसपा)ले नगर प्रमुख र उप प्रमुखमा उम्मेदवारी दर्ता गराएको छ । केन्द्रीय निर्णय अनुसार देशैभर गठबन्धन गर्ने भनिएपनि बुटवलमा जसपाले छुट्टै उम्मेदवारी दर्ता गराएको हो ।
मेयर र उपमेयरमा उम्मेदवारी दर्ता गराएपनि वडाहरुमा भने उम्मेदवारी दर्ता गराईएको छैन । भोलि सम्ममा वडाहरुमा पनि उम्मेदवारी दर्ता हुने सो पार्टीले जनाएको छ ।
राजपाबाट बुटवल उपमहानगरमा मेयर पदमा ३८ वर्षिय युवा उम्मेदवार सुरज हितान मगर र उपमेयरमा सम्झना पौडेलले उम्मेदवारी दर्ता गराएका छन् । गठबन्धन भित्रका ठुला दलहरुले बेवास्ता गरेपछि बाध्य भएर उम्मेदवारी दिन परेको जसपाका केन्द्रीय सदस्य तथा लुम्बिनी प्रदेश सह इन्चार्ज कमल खनालले बताए ।
प्रतिक्रिया