काठमाडौं । राष्ट्रिय जनमोर्चाका अध्यक्ष चित्रबहादुर केसीले गठबन्धन भन्दा प्रतिगमन बलियो रहेको बताएका छन् । पाँचदलिय गठबन्धनले काठमाडौमा आयोजित सभालाई सम्बोधन गर्दै अध्यक्ष केसीले गठबन्धन भन्दा विभिन्न शक्तिको आडमा प्रतिगमन बलियो रहेको बताएका हुन् ।
अध्यक्ष केसीले गठबन्धनकै दलहरु भित्र समस्या रहेको बताउँदै त्यही कमजोरीमा टेकेर प्रतिगमनले आफ्नो लक्ष्य प्राप्त गर्न प्रयास गरिरहेको बताए । उनले संसद देख्न नसक्ने, परिवर्तन देख्न नसक्ने, धर्म निरपेक्ष देख्न नसक्ने शक्तिले विभिन्न बहानमा गठबन्धनलाई कमजोर बनाउन खोजिरहेको पनि बताए ।
गठबन्धनका दलहरुले पनि सरकारमा गएको बेला राम्रो काम गर्न नसकेको बताउँदै जनतामा राम्रो काम गर्न नसकेकाले राजनीतिमा निरासा आएको बताए । राजनीति जागिर खाने, व्यवसाय गर्ने पेशा नभएर सेवा गर्ने पेशा भएको बताउँदै अध्यक्ष केसीले गठबन्धनका दलहरुले उद्योगधन्दा कलकारखाना खोल्न नसकेकाले जनतामा वितृष्णा पैदा भएको बताए । उनले प्रतिगमनलाई असफल बनाउन गठबन्धन बलियो बनाएर अगाडी बढ्नु पर्ने बताए । संसद अझै चल्न नसकेको स्मरण गर्दै प्रतिगमनलाई कमजोर नठान्न सबैलाई आग्रह गरे ।
प्रतिक्रिया