बुटवल । बुटवलमा घरघरमा पुग्ने र अस्पतालको बेडबेडमा पुग्ने मेयरकारुपमा गठबन्धनले खेलराज पाण्डेलाई उठाएको बताएका छन् । बुटवलमा आयोजित गठबन्धनको सभालाई सम्बोधन गर्दै बरिष्ठ नेता पौडेलले गठबन्धनको रुख र कलममा भोट हालेमा पहिलो चरणमै सुकुम्बासीले लालपुर्जा पाउने ठोकुवा गरे ।
उनले देशमा राजनीतिक स्थिरता चाहिएको बताउँदै अस्थिरताका कारण देशमा उद्योग कलकारखाना खुल्न नसकेको बताए । राजनीतिको स्थायीत्वलाई खलबल्याउन एमाले अध्यक्षलाई निमित्त नायक बनाएर षडयन्त्र भइरहेको बताउँदै पौडेलले १७ साल, ४९ साल, ५९ साल हरेक अवस्थामा स्थायीत्व खल्बल्याउने षडयन्त्र गरिएको बताए ।
चुच्चे नक्साको देखाएर मध्यराती दुतसंग भेटेर संसदमाथि हमला गरिएको चर्चा गर्दै पौडेलले १७ सालमा राजा महेन्द्रलेपनि राष्ट्रवादकै नाममा प्रजातन्त्रको हत्या गरेको स्मरण गरे । अदालतलाई पङ्गु बनाउने, संसदलाई पङ्गु बनाउने जस्ता काम गरेर सधै अस्थिरता ल्याउने प्रपञ्च ओलीले रचेको पौडेलले आरोप लगाए ।
प्रतिक्रिया