पोखरा । प्रधानमन्त्री एवं नेपाली नेपाली कांग्रेसका सभापति शेरबहादुर देउवाले गठबन्धनले निर्वाचन जित्न आवश्यक भएको बताएका छन् ।
पोखरामा आज आयोजित चुनावी सभालाई सम्बोधन गर्दै सभापति देउवाले कांग्रेसलाई गठबन्धनले नै सरकारको नेतृत्वमा ल्याएकाले यो गठबन्धनलाई सफल पार्नु आफूहरुको कर्तव्य भएको बताए ।
‘कांग्रेसका लागि गठबन्धन सबैभन्दा बढी आवश्यक छ ’, देउवाले भने, गठबन्धन बन्नुअघि कांग्रेसको अवस्था कस्तो थियो ? आज कांग्रेस एकीकृत रुपमा सरकार छ। त्यसकारण गठबन्धनका पार्टीका सबै दलहरुमा कुनै शंका उपशंका गर्नै हुँदैन।’ उनले कांग्रेसको नेतृत्वमा सरकार बनेका कारण कांग्रेसका साथीहरुबाट गठबन्धनलाई शंका उपशंका गर्ने काम गर्न नहुने धारणा समेत राखे ।
देउवाले ओलीले संसद भंग गरेपछि गठबन्धन बनेको स्मरण गर्दै पोखरामा मात्र नभएर सबै पालिकामा गठबन्धनका उम्मेदवारहरुले जित्नुपर्ने धारणा राखे । ओली प्रजातन्त्र, गणतन्त्रको खिलापमा रहेको उनले आरोप लगाए ।
प्रतिक्रिया