बुटवल । मंगलबार राती बुटवलमा भएको बम विस्फोटको घटनालाई जोडेर नेकपा बहुमतका अध्यक्ष धर्मेन्द्र बास्तोलालाई गरिएको पक्राउ प्रति सो पार्टीले असहमति प्रकट गरेको छ । पार्टीको केन्द्रीय कार्यालयको नाममा सुदर्शनले एक विज्ञप्ति प्रकाशित गर्दै विस्फोटमा पार्टीको कुनै संलग्नता र विस्फोट गराउने पार्टीको निती नरहेको बताएका छन् ।
विज्ञप्तिमा पोखराको बैठक प्रशिक्षण सकेर आफ्नो घर बाँकेको कोहलपुर जाँदै गर्दा बुटवलमा वम विस्फोट हुनु र विहानै ४ बजे अध्यक्ष कञ्चनलाई पक्राउ गर्नुमा षडयन्त्र रहेको उल्लेख गरिएको छ । ‘हाम्रो पार्टीले कुनैपनि विस्फोटकजन्य र सशस्त्र वहिस्कार गर्ने निती नलिएको कुरा सार्वजनिकरुपमा स्पष्ट गर्न चाहन्छौं ।’ विज्ञप्तिमा लेखिएको छ ।
मंगरबार राती ८ः३० बजे बुटवलको मिलन चोकमा कुकर बम विस्फोट हुँदा विस्फोट भएको स्थान नजिकैका पसलहरुमा सामान्य क्षेती भएको थियो । घटनास्थलमा नेकपा माओवादी नामको पर्चा समेत भेटिएको थियो ।
विज्ञप्तिमा विस्फोटको जिम्मा नेपाल नेतृत्वको नेकपा माओवादीले लिएको उल्लेख गर्दै सो घटनामा पार्टीको संलग्नता नरहेको स्पष्ट पारिएको छ । विस्फोटमा केशव अधिकारी कमरेड नेपाल नेतृत्वको नेकपाले गराएको हुन सक्ने अनुमान गरिएको छ ।
नेकपा बहुमतका अध्यक्ष बास्तोला (कञ्चन)लाई नेपालगन्ज जाँदै गर्दा दाङको भालुवाङबाट आज बिहान ४ बजे प्रहरीले नियन्त्रणमा लिएको थियो । विज्ञप्तिमा अविलम्ब पक्राउ परेका बास्तोला सहितका नेताहरुलाई रिहा गर्न सरकारसँग माग गरिएको छ ।
प्रतिक्रिया