दिउँसो २ बजेसम्म ४१ प्रतिशत बढी मतदान सम्पन्न, मतगणना आजै साँझबाट सुरु हुने

काठमाडौं । स्थानीय तह निर्वाचनको मतगणना आजैबाट सुरु हुने भएको छ ।

निर्वाचन आयोगले मतदान मतगणनास्थलमा मतपेटिका पुगेलगत्तै सर्वदलीय बैठक बसालेर मतगणना सुरु गर्ने जनाएको छ ।

मतदान सकिएपछि मुचुल्का उठाएर मतपेटिका मतगणनास्थलसम्म पुर्याइनेछ ।

आयोगका अनुसार दिउँसो २ बजेसम्म ४१ प्रतिशत मतदान भएको छ । कपिलवस्तुको महाराजगन्ज नगरपालिका र दाङको तुल्सिपुर उपमहानगरपालिका वडा नं।१७ बाहेकका सबै स्थानीय तहमा एकसाथ र्निवाचन भइरहेको छ ।

स्थानीय तह निर्वाचन अन्तर्गत १० हजार ७५६ मतदान स्थलका २१ हजार ९५५ मतदानकेन्द्रमा विहान ७ बजेदेखि मतदान भइरहेको छ ।

आयोगले छिटफुट घटना बाहेक शान्तिपूर्ण तथा उत्साहजनक रुपमा मतदान भइरहेको जनाएको छ ।