काठमाडौं । नेपाल र भारतका प्रधानमन्त्रीबीच दुईपक्षीय भेटवार्ता भएको छ ।
प्रधानमन्त्री शेरबहादुर देउवा र भारतीय समकक्षी नरेन्द्र मोदीबीच लुम्बिनीस्थित एक होटलमा औपचारिक भेटवार्ता भएको हो ।
भेटवार्ताका क्रममा नेपाल–भारत द्विपक्षीय सम्बन्धका विषयमा दुई मुलुकबीच रहँदै आएको साझेदारीलाई थप सुदृढ बनाउँदै नयाँ क्षेत्रको खोजी गर्ने विषयमा छलफल भएको छ ।
भेटवार्तामा गत अप्रिल १ देखि ३ सम्म प्रधानमन्त्री देउवाले गरेको भारत भ्रमणका उपलब्धिको स्मरण गरिएको परराष्ट्र मन्त्रालयले जनाएको छ ।
दुई प्रधानमन्त्रीको भेट लगत्तै दुबै मुलुकका प्रतिनिधिमण्डबीच छलफल भएको छ ।
बुद्ध जयन्तीको अवसर पारेर मोदी एक दिवसीय भ्रमणका क्रममा आज बिहान १०:३० बजे लुम्बिनी आइपुगेका हुन् ।
प्रतिक्रिया