मतगणनाको अग्रपंक्तिमा हुनुहुन्छ
जित हजुरकै हुनेछ,
भन्ने आश छ
बालेन दाइ !
टेबल तलबाट हात छिरायर
गनेको कालो धनले
छोरा, छोरीलाई पजेरो चढाई
स्टेथेस्कोप किन्न पठाउने बुढो राजनीति
भन्दा हजुरको पक्कै फरक हुनेछ
भन्ने आश छ
बालेन दाइ !
मतगणनाको अग्रपंक्ति हुनुहुन्छ
जित हजुरकै हुनेछ
भन्ने आश छ
बालेन दाइ !
हजुरले योजना बनाएर
पढाइ र सिकाइ प्रयोग गर्दै
राजधानीको रुप फेर्न खोज्नु होला
तर यहाँ त पाटिवाला ठेकेदारको
औंठा छापले हजुरको सहिलाई
लुकाइदिन्छन्
बालेन दाइ।
जित त हजुरकै होला
भन्ने आश छ
बालेन दाइ!
तर संगत गुनाको फल भन्छन्
हजुरलाई नपुगेको उमेर पुग्यो भनेर
बुढो राजनीतिमै रमाउने बनाइदिन्छन कि
भन्ने डर पनि छ
बालेन दाइ।
मतगणनाको अग्रपंक्तिमा हुनुहुन्छ
जित हजुरकै हुनेछ
भन्ने आस छ
बालेन दाइ!
हामी छोरीचेलीबेटीको अस्तित्व
दिन दहाडै लुटिँदा
बलत्कारीलाई फाँसी दियर
हाम्रो जीउँदै मरेको आत्मलाई
न्याय कसैले दियन
बालेन दाइ !
छोरीको सुन्दर भविष्यको सपना
देखेका हाम्रा बा आमाको आँखा
जिउदो लास माथी आँसु खसाल्न
विवस छ!
राजधानीलाई सफा बनाउन
फोहोर उठाउन खोज्दा
जडियको बुढो राजनितिले
देलान नदेलान
तर
कसैको कुरा नसुनी मन काला
भयका बल्त्कारीहरुलाई यो
सन्सार देखिनै उठाइदिनु है
बालेन दाइ !
लुटियका छोरीहरुलाई
न्याय दिलाइ दिनु है बालेन दाइ।
मतगणनाको अग्रपङ्तिमा हुनुहुन्छ
जित हजुरकै हुनेछ
भन्ने आश छ
बालेन दाइ!
‘नो हर्न’ लेखेको नबुजेर हो कि
कानुनलाई नटेरेर हो
हाम्रा डाँडा पारीको घाम भैसक्नु भएको
हजुरबुवा हजुरमुमाको नसुन्ने कानको
जाली खलबलाउने गरी हर्नको दुरुपयोग
गर्नेलाई सवारी साधन चलाउन
बन्देज लगाइदुन है
बालेन दाइ!
विदेशी पर्यटक सामु छाति फुलार
हाम्रो राजधानी राम्रो राजधानी
भन्न सक्ने बनाउनु है
बालेन दाइ!
मतगणनाको अग्रपन्तिमा हुनुहुन्छ
जित हजुरकै हुनेछ
भन्ने आस छ
बालेन दाइ!
जित हजुरकै हुनेछ
बालेन दाइ!
प्रतिक्रिया