बुटवल । बुटवलको कालिकानगरमा मोटरसाईकलको ठक्करबाट एकजनाको ज्यान गएको छ । भैरहवाबाट बुटवल तर्फ आईरहेको लु ५४ प ७३०७ नम्बरको मोटरसाईकलले पैदल यात्रा गरिरहेका पैदल यात्रुलाई ठक्कर दिँदा एकजनाको मृत्यु भएको हो ।
मृत्युहुनेमा कालिकानगरका ७२ वर्षिय पशुपति भट्टराई रहेको प्रहरीले जनाएको छ । मोटरसाईकलको ठक्करबाट घाईते भएका भट्टराईलाई उपचारका लागि लुम्बिनी प्रादेशिक अस्पतालमा लैजाँदा अस्पतालले मृत घोषणा गरेको इलाका प्रहरी कार्यालय बुटवलका प्रमुख डीएसपी ठगबहादुर केसीले जानकारी दिए ।
प्रहरीका अनुसार मोटरसाईकल चालक पनि घाईते भएका छन् । चालक बिरेन थापाको बुटवल अस्पतालमा उपचार भईरहेको प्रहरीले जनाएको छ ।
प्रतिक्रिया