अमेरिका भ्रमणबारे प्रधानमन्त्री र परराष्ट्रमन्त्रीसँग जानकारी माग्ने संसदीय समितिको निर्णय

खबर कुरा
३० जेष्ठ २०७९, सोमबार
                 

काठमाडौं । प्रधानमन्त्री शेरबहादुर देउवा र प्रधान सेनापति प्रभुराम शर्माको आसन्न अमेरिका भ्रमणबारे संसदीय समितिले चासो राखेको छ ।

संसदको अन्तर्राष्ट्रिय सम्बन्ध समितिको बैठममा सांसदहरुले अमेरिकाले नेपाललाई इन्डो प्यासिफिक रणनीतिको अंग बनाउने योजना बनाएको भन्दै नेपाल सरकारले पारदर्शी ढंगले यसबारे जवाफ दिनुपर्ने माग गरेका छन् ।

अमेरिकाले प्रधानमन्त्री र प्रधानसेनापतिको अपारदर्शी भ्रमण आयोजना गरेर नेपाललाई दबाब दिन लागेको शंका व्यक्त गर्दै यसबारे सरकारले जवाफ दिनुपर्ने धारणा राखेपछि संसदीय समितिले भ्रमणबारे जानकारी लिन प्रधानमन्त्री देउवालाई बोलाउने निर्णय गरेको छ ।

असार ५ गते बस्ने बैठकमा प्रधानमन्त्रीलाई बोलाएर अमेरिका भ्रमणबारे जानकारी लिने निर्णय भएको समितिका सभापति पवित्रा निरौला खरेलले बताएकी छिन् ।

त्यसअघि असार ३ गते बस्ने समितिको बैठकमा नेपालको परराष्ट्र नीतिबारे परराष्ट्रमन्त्री डा. नारायण खड्कासँग छलफल गर्ने निर्णय पनि बैठकले गरेको छ । प्रधानमन्त्री र परराष्ट्रमन्त्रीलाई बैठकमा उपस्थितिका लागि पत्राचार गरिने खरेलले जानकारी दिइन।

 

यसमा तपाइको मत

Your email address will not be published.


*