काठमाडौं । चिनियाँ कम्युनिस्ट पार्टी (सीपीसी)का नवनियुक्त विदेश विभाग प्रमुख लिउ जियानचाओ आज नेपाल भ्रमणमा आउँदै छन् ।
उनी नेपालको चार दिने भ्रमणमा आज काठमाडौं आउने भएका हुन । आठ सदस्यीय चिनियाँ टोलीको नेतृत्व गर्दै आउन लागेका जियानचाओ भखर्रै सीसीपीको विदेश विभाग प्रमुख नियुक्त भएका हुन् ।
तीन महिनामै चीनबाट हुन लागेको यो उच्चस्तरीय दोस्रो भ्रमण हो । यअसघि गत चैतमा चिनियाँ विदेशमन्त्री वाङ यी नेपाल आएका थिए ।
लिउले भ्रमणका क्रममा सत्तारुढ नेपाली कांग्रेस, नेकपा माओवादी केन्द्र र नेकपा एकीकृत समाजवादी र प्रमुख प्रतिपक्षी दल नेकपा एमालेका शीर्ष नेतालाई भेट्ने कार्यक्रम छ ।
त्यसैगरी राष्ट्रपति विद्यादेवी भण्डारी, प्रधानमन्त्री शेरबहादुर देउवालगायतसँग विशेष भेटघाटको कार्यक्रम तय भएको छ ।
संसदीय निर्वाचन हुने पूर्वसन्ध्यामा उत्तरी छिमेकबाट यसरी हुन लागेको भ्रमणलाई अर्थपूर्ण रूपमा लिइएको छ ।
उनले केही दिनअघि एमाले, माओवादी र कांग्रेसका नेताहरूसँग बेइजिङबाट भर्चुअल संवाद गरेका थिए ।
प्रतिक्रिया