एमाले अध्यक्ष ओलीलाई भेटे सीपीसी विदेश विभाग प्रमुख लिउ जियानचाओले

खबर कुरा
२८ असार २०७९, मंगलवार
                 

काठमाडौं । नेपाल भ्रमणमा रहेका चिनियाँ कम्युनिष्ट पार्टी (सीपीसी)का विदेश विभाग प्रमुख लिउ जियानचाओले नेकपा एमालेका अध्यक्ष केपी शर्मा ओलीसँग भेटवार्ता गरेका छन् ।

अध्यक्ष ओलीलाई भेट्न चिनियाँ नेता लिउसहितको प्रतिनिधिमण्डल बालकोटस्थित ओली निवास पुगेको थियो । भेटमा दुई देशबीचको सम्बन्ध, दुई पार्टीबीचको सम्बन्ध, बीआरआई एवं आपसी हितका विषयमा छलफल भएको बताइएको छ ।

यसअघि लिउले प्रधानमन्त्री शेरबहादुर देउवा, माओवादी अध्यक्ष प्रचण्ड, परराष्ट्रमन्त्री डा. नारायण खड्कालाई भेट गरिसकेका छन् । नेपालका नेताहरुसँगको छलफलका क्रममा लिउले चीनले नेपालको आन्तरिक मामिलामा हस्तक्षेप नगर्ने र अरुले पनि त्यसै गरुन भन्ने चाहेको सन्देश दिएका छन् । उनले नेपालबाट चीन विरोधी गतिविधि हुन नदिन नेपालले गरेको प्रयासको प्रशंशा गर्दै थप सक्रियता देखाउनुपर्ने धारणा राखेका छन् ।

नेपालका नेताहरुले एक चीन नीतिप्रति प्रतिवद्ध रहेको दोहोर्याएका छन् ।

यसमा तपाइको मत

Your email address will not be published.


*