कोहलपुरमा २२ र २० वर्षीय दम्पत्ती मृत अवस्थामा फेला

खबर कुरा
१० श्रावण २०७९, मंगलवार
                 

नेपालगन्ज । बाँकेको कोहलपुर नगरपालिका–१४ पार्वतीपुरमा मंगलबार बिहान मृत अवस्थामा दम्पतीको शव फेला परेको छ । स्थानीय २२ वर्षिय कृष्ण गडरिया र उनकी पत्नी २० वर्षिया मञ्जु गडरिया घरभित्रै मृत अवस्थामा फेला परेका हुन् ।

रगताम्य भएको घटनास्थलमा चुँडिएको डोरी फेला परेको प्रहरीले जनाएको छ । मन्जु गडरियाको घाँटीमा डोरीको दाग देखिएपनि डोरी चुँडिएको अवस्थामा फेला परेको इलाका प्रहरी कार्यालय कोहलपुरका प्रमुख डीएसपी ऐन मल्लले बताए । मृतक कृष्णको भने दाँया हातमा गहिरो चोट देखिएको छ । ठोक्कीएको जस्तो देखिएको घाउबाटै रगत बगेर घटनास्थल रगताम्य भएको डीएसपी मल्लले बताए ।

श्रीमतीको हत्या गरेर आफुले आत्महत्या गरेको हुन सक्ने प्रारम्भिक अनुमान प्रहरीले गरेको छ । शरिरमा कुनै प्रकारको दाग नदेखिएकाले घटनाको गम्भीर अनुसन्धान शुरु गरिएको मल्लले बताए । स्थानीयले चोरहरुले हत्या गरेर धनमाल चोरेको बताएपनि घरबाट कुनै सामान चोरी भएको अवस्था नदेखिएको प्रहरीले जनाएको छ ।

यसमा तपाइको मत

Your email address will not be published.


*