बुटवल । घाँस काट्न जङ्गलमा गएकी युवतीलाई एक्लै पारी जवरजस्ती करणी गर्न खोज्ने एक जनालाई प्रहरीले पक्राउ गरेको छ । रुपन्देहीको सैनामैनाको नेवारे जङ्गलमा घाँस काट्न गएकी १९ वर्षिया युवती माथि जबर्जस्ती करणीको प्रयासको आरोपमा ईलाका प्रहरी कार्यालय सालझण्डीले सैनामैना नगरपालिका वडा नं ५ मलमलाटोल बस्ने बर्ष ४८ को निलमणी दमाईलाई पक्राउ गरेको हो ।
गत साउन १० गते बिहान करिब नौ बजेपछि गाँउकै महिला दिदी नाता पर्नेसँग घाँसदाउरा गर्न युवती जङ्गल गएकोमा उनकी दिदी केहि समयमै जरुरी कामले फर्किएपछि जंगलमा एक्लै देखि सोही मौका पारी जवरजस्ती करणी उद्योग गर्न खोजेको प्रहरीले जनाएको छ ।
सैनामैना नगरपालिका अन्तरगत तुलबुलिया खोलाको पुर्वपट्टी रहेको नेवारडाँडो जङगलमा घाँस काटेर भारी पुर्याएकी युवतीलाई बारुलाले टोकेको र युवतीले हल्ला गरेपछि सहयोग गर्ने बहानामा दमाईले युवतीको संवेदनशील अङगहरुमा छुन खोजि जवरजस्ती करणी गर्न खोजेको ईलाका प्हरी कार्यालय सालझण्डीका प्रमुख प्हरी निरीक्षक जगन्नाथ मरासिनीले बताए ।
प्रहरीका अनुसार जङ्गलबाट भागेर घर पुगेकी ती युवतीले घरमा ससुरालाई घटनाको बारेमा जानकारी दिएपछि ससुरा र ती युवतीले प्रहरीलाई किटानी उजुरी गरेका थिए । उजुरी आए लगत्तै तत्काल घटनास्थल पुगेको प्रहरी निरीक्षक सहितको प्रहरी टोलीले घटनामा संलग्न ४८ वर्षिया निलमणी दमाईलाई लुकिछिपी बसिरहेको अवस्थामा पक्राउ गरी करणी सम्बन्धी कसुर (उद्योग) अन्तर्गत म्याद थप गरि थप अनुसन्धान भईरहेको प्रहरी निरीक्षक मरासिनीले बताए ।
प्रतिक्रिया