काठमाडौं । साफ यू-२० च्याम्पियनसिपअन्तर्गत लिग चरणको अन्तिम खेलमा आज नेपाल बंगलादेशसँग प्रतिस्पर्धा गर्दै छ ।
भारतको भुवनेश्वरस्थित कालिंगा रंगशालामा नेपाल र बंगलादेश प्रतिस्पर्धा गर्नेछन् । नेपाल र बंगलादेशको खेल अपराह्न ४ः१५ बजे हुनेछ ।
नेपालले यसअघि खेलेका तीन खेलमा दुईमा जित र एकमा हार ब्यहोर्दै ६ अंकका साथ तेस्रो स्थानमा छ । बंगलादेशमा भने तीनै खेलमा जित हासिल गरेर ९ अंकसहित शीर्षस्थानमा छ ।
त्यस्तै, तीन खेलमा दुई जित र एक हार ब्यहोरेको भारत पनि ६ अंकसहित गोल अन्तरका आधारमा नेपालभन्दा माथि दोस्रो स्थानमा छ । अंक तालिकाको शीर्षस्थानमा रहेका दुई टोली उपाधिका लागि फाइनलमा प्रतिस्पर्धा गर्नेछन् ।
नेपालले फाइलनमा पुग्न बंगलादेशलाई हराउनुपर्नेछ भने मालदिभ्सले पनि भारतलाई हराउनुपर्नेछ वा बराबरी खेल्नुपर्नेछ । आजै साँझ ७ः१५ बजे भारत र मालदिभ्स भिड्नेछन् ।
प्रतिक्रिया