मधु मरासिनी अर्थसचिवबाट हटाइए, प्रधानमन्त्रीको परराष्ट्र सल्लाहकारमा अरुण सुवेदी नियुक्त

खबर कुरा
१९ श्रावण २०७९, बिहीबार
                 

काठमाडौं । सरकारले अर्थ सचिव मधुकुमार मरासिनीको सरुवा गरेको छ ।

जनार्दन शर्मा पुनः अर्थमन्त्रीमा नियुक्त भएपछि स्वागत गर्न समेत नपुगेका मरासिनीलाई अर्थबाट सरुवा गरेर सरकारले तत्कालका लागि राजस्व सचिव कृष्णहरि पुष्करलाई अर्थ सचिवको समेत जिम्मेवारी दिएको छ । पुष्करले अर्को सचिव नआउनेबेलासम्म दुवै सचिवको रुपमा काम गर्ने दायित्व पाएका छन् ।

बिहीबार बसेको मन्त्रिपरिषद् बैठकले मरासिनीलाई प्रधानमन्त्री कार्यालयमा सरुवा गरेको हो ।

यसैगरी सरकारले प्रधानमन्त्रीका परराष्ट्र सल्लाहकारमा अरुणकुमार सुवेदीलाई नियुक्त गरेको छ । अमेरिका र चीनबीच बढ्दो तनाबका बीच सरकारले अमेरिकी लविमा वकालत गर्दै आएका सुवेदीलाई प्रधानमन्त्रीको परराष्ट्र सल्लाहकारमा नियुक्त गरेको हो ।

यसमा तपाइको मत

Your email address will not be published.


*