जलदका ३ मुक्तक

खबर कुरा
२१ श्रावण २०७९, शनिबार
                 


देश देश मात्र भन्छौ परिवेश बनाउनु पर्छ
नेता अभिनेता गन्छौं उपदेश जनाउनु पर्छ
शहीदको रगतमा डुबेको छ नेपाल यो हाम्रो
सिमानाको कुरा सुन्छौ नि सन्देश खनाउनु पर्छ ।


तर्नु छ यो भव सागर छोडेर माया संजालको
मर्नु छ नि अब जिएर जोडेर माया संजालको
कुल वंशको कुरा विवेक नियम मारी सकेछौं
पर्नु छ यो घोर नर्कमा तोडेर माया संजालको ।


चोरेर यो दिल मेरो गङ्गा बनायौ किन यसरी
कोरेर प्रेमील उड्ने चङ्गा बनायौं किन यसरी
आँसु सागरमा बग्ने कथा व्यथा कसरी लुकायौ
फोरेर मंजिल फ़ेरी पङ्गा बनायौं किन यसरी ?

 

-मोहन आचार्य जलद
कोभेन्ट्री बेलायत

 

यसमा तपाइको मत

Your email address will not be published.


*