काठमाडौं । उपत्यका ट्राफिक अन्तर्गत ट्राफिक प्रहरीले आज बिहान गरेको विशेष चेकिङका क्रममा २ सय ६५ जना चालक कारबाहीमा परेका छन् । त्रिभूवन बिमानस्थल आसपासको क्षेत्र तथा उपत्यकाका बिभिन्न स्थानमा भएको बिशेष चेकिङमा २६५ सवारी साधनका चालक कारवाहीमा परेका हुन् ।
उपत्यका ट्रापिक प्रहरीका अनुसार पानी बोक्ने सवारी साधन ९३ वटा,प्रेसको सवारी साधन १ वटा , एयरपोर्ट भित्र तथा बाहिर सञ्चालन भई मिटरमा जान नमान्ने ट्याक्सीहरु ३४ वटा, एम्बुलेन्स ५ वटा र अन्य सवारी साधन १ सय ३२ गरी जम्मा २ सय ६५ वटा सवारी साधनका चालक कार्वाहीमा परेका हुन् ।
जसमध्ये मदिरा पिएर पानी बोक्ने सवारी साधन चलाउने ३ जना चालकलाई समेत कारबाही गरिएको छ । एयरपोर्ट भित्रिने तथा बाहिरिने ट्यासीहरु मिटरमा जान नमान्ने जनगुनासो बढेकोले नियम विपरित चल्ने ट्याक्सीहरुलाई विशेष अभियानकै रुपमा कार्वाही गर्न थालिएको काठमाण्डौ उपत्यका ट्राफिक प्रहरी कार्यालयका प्रवक्ता एवं प्रहरी वरिष्ठ उपरीक्षक राजेन्द्र प्रसाद भट्टले जानकारी दिए ।
प्रतिक्रिया