काठमाडौं । नेकपा माओवादी केन्द्रको चुनाव चिन्हबाट निर्वाचनमा सहभागी हुने सहमतिपछि नेकपा (राष्ट्रिय एकत अभियान)का संयोजक वामदेव गौतम निर्वाचन आयोगको कार्यालय पुगेका छन् ।
मंगलबार दिउँसो आयोगको कार्यालय पुगेका उनले माओवादी केन्द्रको चुनाव चिन्ह लिएर आगामी संघीय निर्वाचन लड्ने तयारी भइरहेको र यसैको प्रक्रियाबारे विषय बुझ्न आएको प्रतिक्रिया दिएका छन् ।
पूर्वप्रधानमन्त्री डा। बाबुराम भट्टराई र वामदेव गौतमले आगामी निर्वाचनमा माओवादी केन्द्रको चुनाव चिन्ह ‘गोलाकारभित्रको हसिया हथौडा’ लिएर उठ्ने भएका छन् । आयोग परिसरमा संचारकर्मीसँग कुरा गर्दै गौतमले हँसिया हथौडाबाट चुनाव लड्दा आफुलाई सजिलो हुने बताए ।
गौतमले माओवादीको चुनावचिन्हबाट उठ्दा पछि आउने कानुनी जटिलताबारे बुझ्न आयोग आएको बताए ।
हाल राष्ट्रियसभा सदस्य रहेका गौतम प्रतिनिधिसभाबाट लड्न चाहेका छन् । गौतमले माओवादीसँग प्रतिनिधिसभामा एक सिट र प्रदेशसभामा दुईसिट मागेका छन् ।
प्रतिक्रिया