काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्ड र एकीकृत समाजवादी पार्टीका अध्यक्ष माधवकुमार नेपालबीच यौटै घोषणापत्रबाट चुनाव लड्ने सहमति भएको छ ।
हात्तिवनस्थित एक घरमा दुई अध्यक्षबीच आज भएको छलफलमा एकै घोषणापत्रमार्फत चुनाव लड्ने सहमति भएको हो ।
दुई पार्टीबीच पार्टी एकता संयोजन समिति बनाउने सहमति पनि भएको छ । एकीकृत समाजवादीले यसअघि नै माओवादीसँग पार्टी एकता गर्न संयोजन समिति बनाउने निर्णय गरिसकेको छ । छलफलमा छिट्टै पार्टी एकता गर्ने सहमति भएको छ ।
छलफलमा माओवादीको तर्फबाट वरिष्ठ उपाध्यक्ष नारायणकाजी श्रेष्ठ र एकीकृत समाजवादीका महासचिव वेदुराम भुसाल पनि सहभागी भएका थिए ।
प्रतिक्रिया