खजुरा । लुम्बिनी प्रदेश प्रहरी गण खजुरामा संचालित प्रहरी जवान ८-१११ ‘ख’ औं समुहको आधारभूत तालिममा सहभागी ९६ जना प्रहरी जवानहरु तालिम सकेर दिक्षित भएका छन् ।
२०७८ साल असोज १७ गते देखि संचालित प्रहरी जवान १३९ औं समुहको २ सय ३४ कार्य दिनको आधारभूत तालिम सकेका प्रहरी जवानहरुलाई आज लुम्बिनी प्रदेश प्रहरी गण खजुराको प्राङगणमा आयोजित एक विशेष कार्यक्रम गरेर दिक्षित गरिएको छ ।
दिक्षान्त समारोहलाई सम्बोधन गर्दै नेपाल प्रदेश प्रहरी कार्यालय कर्णाली प्रदेश हाल नेपालगन्ज बाँकेका प्रहरी प्रमुख प्रहरी बरिष्ठ उपरीक्षक डिल्लीराज बिष्टले सदा सच्चा ईमान्दार र कर्तव्यपरायण , आफ्नो कर्तव्य पालनाको सिलसिलामा, जोश, स्फुर्ती र अनुशासनको माध्यमबाट सचेत भई भेदभाव र पक्षपात रहित आदर्श प्रहरी बन्न दिक्षित भएका प्रहरी जवानहरुलाई निर्देशन दिए । उनले जनताको सेवामा अहोरात्र खटिन साथै कार्यक्षेत्रमा मन बचन र कर्मले निष्ठापुर्वक, ईमान्दार र बफादारी भई उच्च मनोवलका साथ खटिन पनि निर्देशन दिए ।
समारोहमा गणका प्रहरी नायब उपरीक्षक दामोदर केसीले तालिम सम्बन्धि प्रतिवेदन प्रस्तुत गर्दै तालिमको दौरानमा प्रशिक्षार्थीहरुलाई नेपाल र नेपाल प्रहरी संगठनको परिचय, सुरक्षा, प्रहरी कार्य तथा अपराध नियन्त्रण, अपराध अनुसन्धान र बिद्यमान कानुन, प्रहरी युक्ती तथा कारबाही लगायतका बिषयमा प्रशिक्षण दिईएको जानकारी गराएक थिए ।
दिक्षान्त समारोहमा प्रशिक्षार्थीहरुलाई नेपालको संविधान बमोजिम लुम्बिनी प्रदेश प्रहरी गणका गणप्रमुख प्रहरी उपरिक्षक तुल बहादुर कार्कीले शब्दमा सपथ ग्रहण गराएका थिए ।
प्रशिक्षार्थीहरुलाई तालिम अवधी भर लिईएको चरणगत परिक्षाको प्राप्ताङ्कका आधारमा सर्वप्रथम हुन सफल प्रशिक्षार्थी प्रहरी जवान अर्जुन कुमार ओली सहित विभिन्न ७ बिधामा उत्कृष्ट भएका प्रशिक्षार्थीहरु र तालिममा सहभागी प्रशिक्षकहरुलाई प्रहरी बरिष्ठ उपरीक्षक बिष्टले प्रमाणपत्र तथा नगद पुरस्कारद्धारा पुरस्कृत गरेका थिए ।
प्रतिक्रिया