बलिउड फिल्म इश्क पश्मिनाले काठमाडौमा फिल्मको टिजर एवं गीतको रिलिज गरेको छ ।
फिल्म यहि सेप्टेम्बर २३ सेप्टेम्बरमा भारत र नेपालमा एकैसाथ रिलिज हुने फिल्मका निर्देशक सुरज सुर्या मिश्राले बताएका छन् । यो फिल्म कृष्णा शान्ति प्रोडक्शन हाउसको निर्माणमा गरेको हो ।
निर्देशक मिश्रासंगै फिल्म प्रोमोशनका लागी फिल्मका नायक भाविन भानुशाली,नायिका माल्ती चाहर लगायतको टोली नेपाल आएको हो ।
पछिल्लो समय भारतीय सिनेमाले पश्चिमीशैली अपनाउदै गएकामा दुखः लागेको बताउदै निर्देशक मिश्राले फिल्म इश्क पश्मिनामा दर्शकले विशुद्ध हिन्दि रोमान्सको स्वाद फेरी एकपटक लिनसक्ने दाबी गरेका छन् । पत्रकार सम्मेलनमा कलाकारहरुले फिल्म छायांकनका दौरान भोगेका अनुभव सुनाएका थिए ।
सिम्लाको माइनस ४ डिग्री सेल्सियस चिसोमा छायांकन गरिएको गीत जोगी हो गया यूट्यूवमा सार्वजनिक भएको छ । पहिलो दिनमा नै मिलियन भियूज् रहेको गीतमा चर्चित गायक जावेद अलीले श्वर दिएका छन् । एक फरक प्रेमकथा बोकेको इश्क पश्मिनाको प्रस्तुती विशेष रहेको र यसले दर्शकहरुलाई एक फरक किसिमको भावनात्मक अनुभूति गराउने दाबी गर्दै दर्शकलाई एकपटक हलसम्म पुगेर फिल्म हेर्न आग्रह गरेका छन् ।
प्रतिक्रिया