नेपालगन्ज । नेपालगन्ज उपमहानगरपालिकाभित्र स्थानीय एक ब्यक्तिमा डेंगु रोगको संक्रमण देखिएसँगै उपमहानगरले लामखुट्टे नष्ट गर्ने अभियान शुरु गर्ने भएको छ । आइतबार मात्र नेपालगञ्जको बसपार्क क्षेत्रमा बसोबास गर्ने एकजनामा डेंगु देखिएको थियो ।
स्थानीयमा डेंगु देखिएपछि अन्य ब्यक्तिमा सर्न नदिनका लागि डेंगु सार्ने लामखुट्टे नष्ट पार्ने कार्यक्रम सञ्चालन गर्न थालिएको उपमहानगरको स्वास्थ्य महाशाखाले जनाएको छ । नेपालगञ्ज उपमहानगरपालिकाका स्वास्थ्य महाशाखा प्रमुख रामवहादुर चन्द, स्वास्थ्य कार्यालय बाँकेका दुर्गा गौतम सहितको सहभागितामा वडा नम्बर ४ को कार्यालयमा आईतबार स्वास्थ्यकर्मी, महिला स्वास्थ्य स्वयमसेविका, विद्यालयका शिक्षक सहितको सर्वपक्षीय बैठकले सोमबारदेखि लामखुट्टे नष्ट पार्ने तथा जनचेतनामुलक कार्यक्रम संचालन गर्ने निर्णय गरेको छ ।
वडा नम्बर ४ का अध्यक्ष गोपाल पुनले डंगुबाट नगरबासीर्ला जोगाउन सचेतना जगाउन आवश्यक भएको भन्दै सचेताना सहित लामखुट्टै नष्ट अभियान शुरु गर्न थालिएको जानकारी दिए ।
प्रतिक्रिया