बुटवल । बुटवलको एक घरमा पसेर डकैती गर्ने एक युवकको प्रयास असफल भएको छ । विहीबार राति साढे १२ बजे बुटवल उपमहानगरपालिका ४ स्थित संगम पथमा रहेको एक घरमा प्रवेश गरी खुकुरी तथा चक्कु देखाई डकैती गर्ने ती युवाको प्रयासलाई प्रहरीले असफल पारिदिएको हो ।
गस्तीका क्रममा घरमा हो हल्ला भएको सुनेपछि प्रहरीले घर घेरेर पाल्पाको तिनाउ गाउँपालिका–५ का २१ वर्षीय खगेन्द्र गाहा मगरलाई पक्राउ गरेको इलाका प्रहरी कार्यालय बुटवलका इन्चार्ज डीएसपी ठगबहादुर केसीले बताए ।
घरेलु हतियार सहित पक्राउ परेका गाहामाथि थप अनुसन्धान भइरहेको प्रहरीले जनाएको छ ।
प्रतिक्रिया