नेपालगन्ज । भारी वर्षाकैबीच नवरात्रमा नेपालगन्ज र यस आसपासमा स्थापना गरिएको दुर्गा भगवतीका मुर्तिहरु विसर्जन गरिएको छ । नवमीका दिन देखि परेको अबिरल वर्षातकैबीच बडा दशैका लागि स्थपाना गरिएका दुर्गा भगवतीको मुर्ती राप्तीनदी तथा मानखोलामा विसर्जन गरिएको हो ।
नेपालगन्ज र त्यस आसपासमा स्थापना गरिएका मुर्तिहरु बाँकेको कम्दी घाटमा रहेको राप्तीनदीको पुल मुनी बिर्शजन गरिएको छ भने कोहलपुर र खजुरा क्षेत्रमा स्थापना गरिएको मुर्ती बाँके र बर्दियाको सिमानामा बग्ने मानखोलामा विसर्जन गरिएको जिल्ला प्रहरी कार्यालय बाँकेले जनाएको छ ।
अविरल वर्षाकै बीच उर्लेका नदिहरुमा शान्तिपूर्णरुपमा मुर्ति विसर्जन गरिएको जिल्ला प्रहरी कार्यालय बाँकेका प्रवक्ता डीएसपी रामप्रसाद घर्तीमगरले जानकारी दिए । सम्भाव्य विपद र जोखिमलाई मध्यनजर राख्दै स्थानीय प्रशासनले नेपाल प्रहरी र सशस्त्र प्रहरी परिचालन गरेको थियो ।
आजै बर्षातको कारण बुधबार स्थगित गरिएको राबण बध कार्यक्रम बिहीबार साँझ विधिवत तरिकाले सम्पन्न गरिएको रामलिला संचालक समितिले जनाएको छ ।
प्रतिक्रिया