काठमाडौं । लगातारको झरीले जनजीवन प्रभावित बनेपनि बडादशैँको टीका थाप्ने क्रम जारी छ ।
आज आश्विन शुक्ल पक्षको द्वादशी मान्यजनबाट टीका ग्रहण गरिँदैछ । नवरात्रभर नवदुर्गा भवानीको पूजा अर्चना गरी विजयादशमीदेखि पूर्णिमाका दिन मान्यजनको हातबाट प्रसाद लगाउने चलन छ ।
मान्यजनले टीका लगाइदिंदा सुख, शान्ति, समृद्धि र वैभव प्राप्त हुने धार्मिक विश्वास छ । परिवारमा टीका लगाएपछि कुलकुटुम्ब र आफन्तजनसँग टीका लगाउन जाने परम्परा छ । यो क्रम पाँच दिनसम्म अर्थात् कोजाग्रत पूर्णिमासम्म चल्दछ ।
ठूलाले सानालाई टीका लगाई आशीर्वाद दिने चलन छ । नेपालको पश्चिमी भेगका केही स्थानमा भने विजया दशमीका दिन मात्र टीका लगाउने चलन छ ।
यातायातका साधन कम चलेका कारण सर्वसाधारण मारमा परेका छन् । निरन्तरको वर्षाका कारण पनि टीका लगाउन आफन्तकोमा जानेहरु समस्यामा परेका छन् ।
प्रतिक्रिया