बुटवल । रुपन्देही प्रहरीले ठुलो परिमाणमा चाँदी बरामद गरेको छ । भारतीय नागरिकहरुले नेपाल भित्राई.दै गरेको अवस्थामा प्रहरीले चाँदी बरामद गरेको हो ।
रुपन्देहीको सिद्धार्थनगर २ मेउडिहवाबाट चाँदी सहित भारतीय नागरिक शैलेन्द्र बमर्म र सतेन्द्र बर्मालाई पक्राउ गरेको रुपन्देही प्रहरीले जनाएको छ । प्रहरीका अनुसार गोप्य सूचनाका आधारमा बर्मा द्वयले मोटरसाईकलको डिक्कीमा राखेर नेपाल ल्याउँदै गरेको ४ किलो ५२२ ग्राम चाँदी प्रहरीले बरामद गरेको हो । बरामद भएको चाँदीको मुल्य ५ लाख ५९ हजार ४११बरावरको रहेको प्रहरीले जनाएको छ ।
बरामद भएको चाँदी र पक्राउ परेका दुबै जनालाई आवश्यक कारवाहीका लागि भन्सार कार्यालय पठाइएको प्रहरीले जानकारी दिएको छ ।
प्रतिक्रिया