स्वास्थ्य मापदण्ड पालना गरेर तिहार मनाउन स्वास्थ्य मन्त्रालयको आग्रह

काठमाडौं । कोरोनाको नयाँ भेरियन्ट फेला परेसँगै स्वास्थ्य मापदण्ड पालना गर्दै तिहार मनाउन स्वास्थ्य मन्त्रालयले आम नागरिकलाई आग्रह गरेको छ । ओमिक्रोनको सवभेरियन्ट एक्सबीबी पहिलो पटक नेपालमा फेलापरेसँगै मन्त्रालयले सर्वसाधारणलाई स्वास्थ्य मापदण्ड पालना गरेर तिहार मनाउन आग्रह गरेको हो ।

मन्त्रालयले विज्ञप्ति प्रकाशित गर्दै नयाँ भेरियन्टसँगै संक्रमणको मात्रा पनि बढेको उल्लेख गरेको छ । तिहार, छठ सहितको पर्वमा जमघट धेरै हुने र संक्रमण तिब्र गतिमा फैलन सक्ने सम्भावना हुने भएको भन्दै मन्त्रालयको विज्ञप्तिमा कोरोनाबाट बच्न मन्त्रालयले ताकेको मापदण्ड पालना गर्न आग्रह गरिएको छ ।

मास्कको प्रयोक गर्ने, भौतिक दुरी कायम राख्ने र बेलाबेलामा साबुनपानीले हात धुने कार्यलाई निरन्तरता दिन विज्ञप्ति मार्फत मन्त्रालयले आग्रह गरेको हो ।