गुल्मी । गुल्मीको क्षेत्र नं १ अन्तरगत कालिगण्डकी गाउँपालिका २ अर्बेनीमा रहेको भगवती माध्यमिक विद्यालयको क र ख केन्द्रमा स्थगित भएको मतदान आज पुन: शुरू भएको छ ।
निर्वाचन प्रक्रिया चलिरहेको अबस्थामा प्रतिनिधि सभाको प्रत्यक्ष तर्फको मत पत्र दिने ठाउँमा प्रदेश सभाको प्रत्यक्ष तर्फको मत पत्र परेपछि निर्वाचन स्थगित भएको हो ।
उक्त मतदान केन्द्रमा पुन: मतदानका लागि थप सुरक्षाकर्मीहरू सहित मतदान अधिकृत र कर्मचारिहरू सहितको टोली सदरमुकामवाट हिजै मतदान स्थलमा पुगेको थियो ।
मतदान स्थलमा सुरक्षा व्यवस्था कडा पारिएको छ । मतदान स्थलमा प्रतिनिधि सभा र प्रदेश सभा तर्फका उमेदवारहरूको समेत उपस्थिति रहेको छ । उक्त मतदान केन्द्रमा १३ सय ६८ मतदाताहरू रहेका छन ।
प्रतिक्रिया