रौतहट । रौतहट क्षेत्र नम्बर ३ बाट प्रतिनिधिसभा सदस्यमा स्वतन्त्र उम्मेदवार प्रभू साह निर्वाचित भएका छन् ।
साहले स्वतन्त्र उम्मेदवार ओमप्रकाश जयसवाललाई ७ हजार २३७ मतान्तरले हराउँदै निर्वाचित भएका हुन् ।
साहले ३२ हजार ४३७ मत पाउँदा उनका प्रतिस्पर्धी जयसवालले २५ हजार २०० मत ल्याए । यस्तै माओवादी केन्द्रका उम्मेदवार रविन्द्र पटेलले ३ हजार ६५८ मत पाए ।
मनोनयन गर्ने दिन दिनभर एमालेबाट पाएको टिकट होल्ड गरेर साहले अन्तिम समयमा स्वतन्त्र उम्मेदवारी दिएका थिए । त्यसपछि सत्ता गठबन्धनले साहलाई नै समर्थन गर्ने निर्णय गरेको थियो । यद्यपी, माओवादी उम्मेदवार पटेलले उम्मेदवारी फिर्ता नगरेपछि उनलाई माओवादीले पार्टीबाट निलम्बन गरेको थियो ।
प्रतिक्रिया