घोराही । प्रतिनिधिसभा सदस्य निर्वाचनमा दाङ क्षेत्र नम्बर ३ बाट नेपाली कांग्रेसका केन्द्रीय सदस्य दीपक गिरी विजयी भएका छन् । गठबन्धनबाट कांग्रेस उम्मेदवार गिरीले ३६ हजार ८४२ मत प्राप्त गरी विजयी भएका हुन् । उनी योसँगै दोस्रो पटक प्रतिनिधिसभा सदस्यमा विजयी भएका हुन् ।
गिरीका निकटतम प्रतिस्पर्धी नेकपा एमालेकी कोमल वलीले २९ हजार ३२ मत प्राप्त गरेर दोस्रो बनेकी छन् । वलीलाई सात हजार ८१० मतान्तरले पछि पार्दे गिरी विजयी भएका हुन् । सोही क्षेत्रबाट २०७० सालको निर्वाचनमा विजयी भएका गिरी २०७४ सालमा तत्कालीन वाम गठबन्धनका उम्मेदवार हिराचन्द्र केसीसँग पराजित भएका थिए ।
क्षेत्र नं.३ मा ९० हजार १ सय ५० मत खसेको थियो । प्रतिनिधिसभा सदस्यमा विजयी गिरीलाई माओवादी केन्द्र, एकीकृत समाजवादी र राष्ट्रिय जनमोर्चाको समर्थन रहेको थियो ।
प्रतिक्रिया