बुटवल । बुटवल उपमहानगरका सबै स्वास्थ्य इकाईहरुका लागि अत्यावश्यक स्वास्थ्य सामाग्री उपलब्ध गराइएको छ । उपमहानगर अन्तर्गतका वडा स्वास्थ्य इकाईहरुलाई प्राथमिक उपचार देखि अत्यावश्यक स्वास्थ्य उपकरण सामाग्रीहरु उपलब्ध गराइएको हो ।
आज बुटवल उपमहानगरमा आयोजीत एक कार्यक्रमबीच उपमहानगर प्रमुख खेलराज पाण्डेले वडा अध्यक्ष तथा वडा स्वास्थ्य इकाईका प्रमुखहरुलाई सामाग्री हस्तान्तरण गरे । हस्तान्तरण कार्यक्रममा बोल्दै प्रमुख पाण्डेले प्राप्त सामाग्रीलाई गरिव असहाय र पहूँच नपुग्नेहरुका लागि उपयोग गर्न स्वास्थ्य इकाईका कर्मचारीहरुलाई आग्रह गरे । उनले सामाग्रीहरुको सहि सदुपयोग गर्न र नगरबासीहरुलाई अनुभूति हुने गरि उपयोग गर्न पनि आग्रह गरे ।
स्वास्थ्य इकाईहरुको आवश्यकताका आधारमा स्टेचर देखि आवश्यक औषधीहरुको टुल सममका सामाग्रीहरु सबै वडाहरुमा आजै पठाईने उपमहानगरका स्वास्थ्य शाखा प्रमुख युवराज पाण्डेले जानकारी दिए । ३० लाख बराबरको सामाग्री आज हस्तान्तरण गरिएको बताउँदै उनले छिट्टै थप सामाग्रीहरु वडाहरुमा पठाईने बताए ।
प्रतिक्रिया