१४ आश्विन २०७९, शुक्रबार | September 30, 2022

बुटवलको धेरै जनघनत्व रहेको ११ नम्बर वडाको नयाँ भवन बन्ने



बुटवल । बुटवल उपमहानगरपालिकाको सबै भन्दा धेरै जनघनत्व भएको र भौगोलिक हिसाबले पनि ठूलो वडा ११ को आफ्नै कार्यालय भवन बन्ने भएको छ ।

देविनगरमा निर्माण हुने उक्त वडा कार्यालय भवनको सोमबार एक समारोहबीच उपमहानगरका नगर प्रमुख शिवराज सुवेदीले शिलन्यास गर्नुभयो । त्यसअवसरमा उहाँले निर्धारित समयमै निर्माणकार्य सक्न र भवनसंहीताको पूर्ण पालना गर्न निर्माण कम्पनीलाई निर्देशन दिनुभयो । उहाँले सेवा प्रवाहलाई अझ प्रभावकारी बनाउन निर्देशन दिनुका साथै स्थानीय समुदायलाई निगरानी र समन्वय गरेर काममा सघाउन पनि आग्रह गर्नुभयो ।

करिब एक करोड बराबरको लागतमा निर्माण हुने अढाइ तले उक्त वडा कार्यालय भवन एक वर्ष भित्रमै निर्माण सक्नेगरि सर्वश्रेष्ठ विल्डर्सले निर्माणकार्यको जिम्मेवारी पाएको बुटवल उपमहानगरका सहरी पूर्वाधार विकास महाशाखा प्रमुख इन्जिनियर सुमन श्रेष्ठले जानकारी दिनुभयो ।

भवन शिलन्यास समारोहमा उपप्रमुख गुमादेवी आचार्य, वडा।११ का अध्यक्ष रामचन्द्र क्षेत्री, प्रमुख प्रशासकीय अधिकृत चक्रपाणी शर्मा, वडाका राजनीतिक दल, नागरिक अगुवा र प्राविधिकहरुलगायतको उपस्थिति थियो ।

बुटवलमा यसअघि वडा नं २, ५, १० को नयाँ भवन निर्माण भएको छ । अब वडा नं. १३ को पनि केही समयमै भवन निर्माणको काम सुरु हुने छ । १९ वटा वडा रहेको बुटवलका सबै वडा कार्यालयलाई विस्तार र व्यवस्थित गर्न लागिएको प्रवक्ता रामप्रसाद रेग्मीले जानकारी दिनुभयो । नयाँ निर्माण भएका बाहेकका वडा कार्यालयमा तला थप्ने र स्तरोन्नति गर्ने काम भइरहेको उहाँले बताउनुभयो ।

वडा नं. १, ४, ८ तथा १८ र १९ का पनि नयाँ भवन निर्माणको तयारी भइरहेको छ । वडा नं. १ को कार्यालय भवन जितगढी सम्पदा परिसरमा रहेका कारण त्यहाँबाट हटाइएको हो भने बाँकी चार वटा वडा कार्यालयहरु विभिन्न भवनलाई कार्यालयका रुपमा प्रयोग गर्दै आएको अवस्थामा छन् । त्यस्ता कार्यालयलाई पनि अब थप विस्तार गरेर व्यवस्थित गराइने भएको प्रमुख प्रशासकीय अधिकृत चक्रपाणी शर्माले बताउनुभयो ।

महानगर र बृहत्त बुटवलको अवधारणाका साथ बुटवलको नीति तथा कार्यक्रम बजेट आएको छ । नयाँ प्रशासशनिक भवन निर्माण भइरहेको छ । हालको कार्यालय परिसर भन्दा पूर्वपट्टीको खाली ठाउँमा व्यवस्थित र अत्याधुनिक भवनको निर्माणकार्य अन्तिमचरणमा पुगेको छ ।

प्रकाशित मिति : १५ असार २०७७, सोमबार  ३ : ५४ बजे

युवालाई पूर्वराष्ट्रपति यादवको आग्रह- निमुखा जनताको पक्षमा राजनीति गर्नुहोस्

काठमाडौं । पूर्वराष्ट्रपति डा. रामवरण यादवले निमुखा जनताको पक्षमा राजनीति

Pakistani PM hails China for timely flood relief aid

ISLAMABAD: Pakistani Prime Minister Shahbaz Sharif has appreciated China and

मोहमद हत्यामा सङ्लग्न रहेको आरोपमा पक्राउ तीन जनालाई प्रहरीद्वारा सार्वजनिक

काठमाडौंको कागेश्वरी मनोहरा नगरपालिका–८ गोठाटारस्थित एडभेञ्चर इन्टरप्राइजेज गार्मेन्ट उद्योगका सञ्चालक

अध्यादेशमार्फत निजी क्षेत्रलाई विद्युत् व्यापार अनुमति दिने सरकारको तयारी

काठमाडौं । सरकारले विद्युत् व्यापारलाई थप मार्ग प्रशस्त गर्ने लक्ष्यका

निर्वाचन आयोगको निर्णय विरुद्ध उत्रियो प्रेस चौतारी

काठमाडौं । प्रेस चौतारी नेपालले आसन्न निर्वाचन लक्षित निर्वाचन आयोगको