काठमाडौं । सत्तारुढ चार दलले प्रतिनिधिसभा र प्रदेशसभा निर्वाचनमा गरिउको गठबन्धनको औचित्यता पुष्टि भएको निस्कर्ष निकालेका छन् ।
प्रधानमन्त्री निवास बालुवाटामा सोमबार बसेको गठबन्धनका शीर्ष नेताहरुको बैठकले निर्वाचनले गठबन्धनको आवश्यकता र सान्दर्भिकता पुष्टि गरेको निश्कर्ष निकालेका हुन् । बैठकले अहिलेकै गठबन्धनलाई निरन्तरता दिन सहमति गरेका छ ।
बैठकले हालै सम्पन्न प्रतिनिधिसभा र प्रदेशसभा निर्वाचनको समीक्षासमेत गरेको नेकपा एकीकृत समाजवादीका महासचिव वेदुराम भुसालले जानकारी दिए ।
चुनावपछिको पहिलो बैठक भएकाले निर्वाचनको सामान्य समीक्षा गरिएको र आगामी दिनमा यही गठबन्धनको सरकारलाई निरन्तरता दिने निष्कर्ष निकालिएको उनले बताए ।
प्रतिक्रिया