बुटवल । नेपाल नगरपालिका संघ आठौं राष्ट्रिय सम्मेलनबाट धादिङको नीलकण्ठ नगरपालिकाका प्रमुख भीमप्रसाद ढुंगाना अध्यक्ष पदमा निर्वाचित भएका छन् ।
काठमाडौमा भएको आठौं राष्ट्रिय सम्मेलनबाट सर्वसम्मत निवाचित ४३ सदस्यीय कार्यसमितिको अध्यक्षमा ढुंगाना अध्यक्षमा निर्वाचित भएका हुन् । यस्तै रुपन्देहीको तिलोत्तमा नगरपालिका प्रमुख रामकृष्ण खाँण संघको केन्द्रिय सदस्यमा निर्वाचित भएका छन् ।
संघको उपाध्यक्षमा सिन्धुपाल्चोकको चौतारासाँगागढी नगरपालिकाका प्रमुख कृष्ण प्रसाद सापकोटा, महासचिवमा घोराही उपमहानगरपालिकाका प्रमुख नरुलाल चौधरी, उपमहासचिवमा काठमाडौ महानगरपालिकाकी उपप्रमुख सुनिता डंगोल, कोषाध्यक्षमा हलेसी तुवाचुङ नगरपालिकाका प्रमुख बिमला राई र सह कोषाध्यक्षमा हेटौंडा उपमहानगरकाकी प्रमुख मिनाकुमारी लामा निर्वाचित भएका छन् ।
स्थानीय तहको निर्वाचन भएपछि पालिकामा जित हासिल गरेको पार्टीको संख्या अनुसार संघको भागवण्डा भएको हो । देशभरिका २ सय ९३ नगरपालिकाका जननिर्वाचित प्रतिनिधिबाट ५ वर्षको लागि नयाँ कार्यसमिति चयन भएको हो ।
प्रतिक्रिया