२१ माघ २०७९, शनिबार | February 4, 2023

स्वीभप्ट टेक्नोलोजीले बुटवलको प्राविधिक शिक्षामा सहकार्य गर्ने



बुटवल । हङ्गकङ्गमा केन्द्रीय कार्यालय रहेको स्वीभट् टेक्नोलोजीले रुपन्देहीको बुटवल उपमहानगरपालिकाका विद्यालयहरुमा प्राविधिक धारमा विशेष काम गर्ने भएको छ ।

पछिल्लो समयमा प्राविधिक शिक्षा अनै अहिलेको आवश्यकता भैरहेको परिपेक्षमा स्वीभट् टेक्नोलोजी प्रालि लिमिटेड नेपालले सामाजिक उत्तरदायित्व अभियान अन्र्तगत बुटवलका विभिन्न ३७वटा विद्यालयमा रहेका विपन्न, गरिब तथा अन्य विद्यार्थीहरुको लागि प्राविधिक शिक्षाका तालिम, सिप तथा प्राविधि प्रदान गर्ने भएको हो ।

बुटवलमा परियोजनाबारे जानकारी दिन आयोजीत कार्यक्रममा उक्त संस्थाका फाउण्डर सुवास शाहीले विद्यालय स्तरमा विद्यार्थीहरुले नै आफैले पढ्दै कमाउदै गर्न सक्ने गरी पाठ्यक्रम नै विकास गरी कार्यक्रम लागू गर्न गैरहेको जानकारी दिए ।

सफ्टवेर कम्पनीको रुपमा रहेको स्वीभप्ट टेक्नोजीले सन् २०१७ मा कम्पनी सुरुवात गरेको थियो । काठमाण्डौमा समेत यो सम्बन्धी काम सुरुवात भैसकेको परिपेक्षमा बुटवल र भैरहवमा समेत कार्यक्रम सुरुवात गर्ने तयारी गरिएको हो । सन् २०२२ सम्ममा १०० भन्दा पनि कर्मचारीहरुबाट काम सुरुवात गरेको यो कम्पनीले खासगरी सफट्वेर टेक्नोजीमा विद्यार्थीहरुलाई तालिम प्रदान गर्ने र त्यहि तालिममा सिकेको सिपबाट रोजगारी समेत प्रदान गर्ने योजना बनाएको सफ्टवेयर ईन्जीनियर समेत रहेका संस्थाका फाउन्डर सुवास शाहीले जानकारी दिए । विद्यार्थीहरुको लागि डिजाईनीङ्ग तालिम, सिभिल टेक्नोलोजीको तालिम सहितका विभिन्न तालिम स्थानिय तहको सहकार्यका सञ्चालन गरिने योजना बनाइएको छ ।

स्थानीय तह संगको वृहत छलफल पछि मात्रै यो विषयमा एकिन गरी कार्यक्रम ल्याउन तयारी गरिएको फाउन्डर शाहीको भनाई रहेको छ । यसको लागि अवको ३ महिनामा कोर्स नै डिजाईन गरी सोही अनुसार निःशुल्क रुपमा विद्यार्थीहरुको लागि काम गर्ने योजना उनको रहेको हो ।

कार्यक्रममा बोल्दै लुम्बिनी प्रदेशका पुर्व मन्त्री तथा वर्तमान प्रदेश सभा सदस्य भोज प्रसाद श्रेष्ठले प्राविधिक सिप, ज्ञान, दक्षता विना परिर्वतन संभव नभएको भन्दै विद्यालय स्तरमा घरमा नै बसेर काम गरी आय आय आर्जन गर्न सकिने प्रकृतिको तालिम आवश्यक रहेको बताए । विद्यार्थी दक्ष बनाउने, सिकेको सिपलाई देश तथा विदेशमा समेत प्रयोग गर्न सकिने गरी स्वीभप्ट कम्पीले सुरुवात गरेको अभियानमा आफुले सक्दो सहयोग गर्ने बताएका थिए ।

बुटवल उपमहानगरपालिकाका प्रमुख प्रशासकीय अधिकृत टेकराज पन्थीले बुटवलका सामुदायिक वा संस्थागत विद्यालयहरुले प्राविधिक धारमा समेत अगाडी बढिरहेको सन्दर्भमा यो कार्यक्रम अझ बढि प्रभावकारी हुने बताएका थिए । उपमहानगरापलिकाको शिक्षा तथा जनस्वाथ्य महाशाखा प्रमुख मित्रमणि खनालले शिक्षा क्षेत्रका विकासका लागि सहकार्य अगाडी बढाउने बताए । प्राविधिक शाखा प्रमुख अमृता पन्थीले प्रविधिको विकास विना समृद्धि परिकल्पना गर्न नसकीने भन्दै सोही अनुसार विभिन्न तहमा सहकार्य गरिने बताईन ।

प्रकाशित मिति : ९ पुस २०७९, शनिबार  ८ : २० बजे

सत्ता गठबन्धन दलकै घेराबन्दीमा प्रधानमन्त्री प्रचण्ड

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले नेतृत्व

कांग्रेससहित प्रतिपक्ष दलको बैठक सिंहदरबारमा बस्दै

काठमाडौं । राष्ट्रियसभा उपाध्यक्षको चयनको पुर्व सन्ध्यामा नेपाली कांग्रेसले संघीय

माओवादी केन्द्र स्थायी कमिटीको बैठक अपरान्ह १ बजे बस्दै

काठमाडौं । नेकपा माओवादी केन्द्रको स्थायी कमिटी पटक पटक सरेर

लागूऔषध ओसारपसारमा संलग्न प्रहरी सहायक निरीक्षक पक्राउ

मोरङ । विराटनगरमा लागूऔषध खैरो हेरोइन ओसारपसारका क्रममा प्रहरी सहायक

राष्ट्रिय स्वतन्त्र पार्टीको अल्टिमेटम आज सकिँदै, के गर्लान् प्रधानमन्त्री ?

काठमाडौं । राष्ट्रिय स्वतन्त्र पार्टी (रास्वपा)ले प्रधानमन्त्री पुष्पकमल दाहाल प्रचण्डलाई