काठमाडौं । वर्तमान सत्ता गठबन्धनमा फुट आएसँगै नयाँ सत्ता समीकरणले मूर्त रुप पाएको छ ।
नयाँ सरकारको नेतृत्व कसले गर्ने भन्ने विषयमा सहमति हुन नसक्दा बालुवाटार केन्द्रित सत्ता गठबन्धनमा फुट आएसँगै बालकोट केन्द्रित नयाँ गठबन्धन बनेको हो ।
एमाले, माओवादी केन्द्र, जनता समाजवादी पार्टी र राष्ट्रिय स्वतन्त्र पार्टीका शीर्ष नेताहरुको बालकोट स्थित एमाले अध्यक्ष केपी शर्मा ओली निवासमा भएको छलफलमा नयाँ सरकार गठनका लागि सहमति जुटेको हो ।
माओवादी अध्यक्ष पुष्पकमल दाहाल प्रचण्डलाई प्रधानमन्त्री बनाउन बालकोट समीकरणले सहमति जुटाएको छ । पाँच वर्षे सरकारको आधा अढाई वर्ष प्रचण्डले सरकारको नेतृत्व गर्ने गरी सहमति जुटेको हो । बाँकी साढे २ वर्षको नेतृत्व एमालेले प्रधानमन्त्री लिनेछ । नयाँ सरकार गठन गर्न राष्ट्रपतिले दिएको समयसीमाभित्रै दलहरुले आजै नयाँ सरकारको दाबी पेश गर्ने सहमति रहेको छ । प्रचण्डलाई एमालेका ७८, माओवादीका ३२, राष्ट्रिय स्वतन्त्र पार्टीका २०, राप्रपाका १४, जसपा १२ र सीके राउतको जनमत पार्टीका ६ सांसदले पनि समर्थन दिने भएका छन् ।
प्रतिक्रिया