बुटवल । एमालेले लुम्बिनी प्रदेशसभा संसदीय दलको नेतामा पार्टीका पोलिटब्युरो सदस्य तथा लुम्बिनी प्रदेश सहइन्चार्ज लिला गिरीलाई सर्वसम्मत चयन गरेको छ । आज अपरान्ह बसेको संसदीय दलको बैठकले गिरीलाई संसदीय दलको नेता चयन गरेको हो ।
आइतबार बिहानै बिजौरीस्थित महासचिव शंकर पोखरेल निवासमा भएको नेताहरुले छलफलमा एमाले पोलिटब्यूरो सदस्य गिरीलाई संसदीय दलको नेता बनाउने सहमति भएको थियो ।
सत्ता भागवण्डामा लुम्बिनी प्रदेशले प्रदेश सरकारको नृतृत्व गर्ने जिम्मा पाएमा संसदीय दलको नेता गिरी मुख्यमनत्री बन्ने निश्चित बनेको छ । आइतबारै एमाले महासचिव शंकर पोखरेलले दाङ पुगेर लुम्बिनी प्रदेश सरकारको नेतृत्व एमालेले गर्ने बताइसकेका छन् ।
गिरी यसअघि शंकर पोखरेल मुख्यमन्त्री हुँदा पर्यटन मन्त्री थिए । पोखरेल मन्त्रिपरिषदमा गिरीले स्वच्छछबीका मन्त्रीको पहिचान दिएका थिए । उनी रुपन्देही २ को १ बाट निर्वाचित भएका हुन् ।
माओवादी केन्द्रले बागमती प्रदेश र सुदुरपश्चिमको नेतृत्व गर्ने सहमति कायम रहे मात्र गिरीको मुख्यमन्त्री पक्का हुने छ ।
प्रतिक्रिया