नेपालगन्ज । बाँकेको डुडुवामा रहेको जयेन्दु बाल सुधार गृहबाट फरार भएका चार जना प्युठानबाट पक्राउ परेका छन् । पुस १४ गते बाल सुधार गृहबाट भागेका सुर्खेतका धर्म थापा, कैलालीका कृष्ण नगरकोटी र बुटवलका पुरन चौधरी र अविनाश पुन प्यूठानबाट पक्राउ परेका हुन् ।
बाल सुधार गृहबाट १४ गते फरार भएका चारै जनालाई प्यूठानबाट पक्राउ गरिएको बाँके प्रहरी प्रमुख एसपी सन्तोष राठौरले बताए । एसपी राठौरले पक्राउ परेका ४ जनालाई बाँकेमा ल्याउदै गरेको जानकारी दिए ।
बाल सुधार गृहमा २ सय ३२ जना बिभिन्न कुसरमा अदालतमा विचाराधिन र फैसला भइसकेकाहरु रहेका छन् । त्यसमध्येमा चार जना फरार भएका थिए ।
फरारमध्येमा तीन जना जबरजस्ती करणी र एक जना कर्तब्य ज्यान मुद्दाका अभियुक्त हुन् । अपराध गरेका बालकलाई उक्त बाल सुधार गृहमा राख्ने गरिएको छ ।
प्रतिक्रिया