काठमाडौं । जनता समाजवादी पार्टी (जसपा)का सांसद असोक राईले प्रधानमन्त्री पुष्पकमल दाहाल प्रचण्डलाई विश्वासको मत दिने प्रतिबद्धता व्यक्त गरेका छन् ।
मंगलबार प्रधानमन्त्री पुष्पकमल दाहाल प्रचण्डलाई विश्वासको मत दिने विषयमा प्रतिनिधि सभामा बोल्दै सांसद राईले प्रधानमन्त्री प्रचण्डका कुरा मननीय भएको बताउँदै त्यसलाई कार्यान्वयनमा लैजानुपर्ने बताए ।
‘प्रधानमन्त्रीका प्रतिबद्धता मननीय छन्, त्यसकारण हाम्रो पार्टी संसदीय दलले प्रधानमन्त्रीलाई विश्वासको मत दिन्छ,’ उनले भने ।
उनले जनताका विकासका आकांक्षा अधुरा रहेको बताए । उनले भने, ‘हामी विकासका चरणका संरचना तयार गर्ने क्रममा गुज्रिरहेका छौं । मलाई लाग्छ, पूर्वप्रधानमन्त्री जी कसैले पनि गर्न नचाहेर होइन । गर्न चाहँदा चाहँदै पनि विकास हठात्, अचानक, टप्किने विषयवस्तु नभएको हुनाले यो,क्रमबद्ध प्रक्रिया भएको हुनाले पनि कयौं कुरा हुन सकेनन ।’
प्रतिक्रिया