बागमतीको सभामुखमा राप्रपाका भुवन पाठक निर्वाचित

काठमाडौं । बागमती प्रदेशको सभामुखमा राप्रपाका भुवन पाठक निर्वाचित भएका छन् ।

शुक्रबार बसेको बागमती प्रदेशसभाको बैठकमा भएको मतदानमा पाठकले ६२ मत हासिल गर्दै सभामुखमा निर्वाचित भएका हुन् । पाठकलाई एमाले र माओवादीको समर्थन रहेको थियो ।

राप्रपाका महामन्त्री रहेका पाठकको विपक्षमा ४९ मत पर्यो भने ७ जना तटस्थ बसेका छन् ।

तीन जना प्रतिस्पर्धी रहेकोमा पाठक निर्वाचित हुनुअघि नेपाल मजदुर किसान पार्टीका सृजना सयजु र नेपाली कांग्रेसका शिवराज अधिकारीलाई निर्वाचित गरियोस भन्ने प्रस्ताव बहुमतले अस्वीकृत भएको थियो ।