धनगढी। सदुरपश्चिम प्रदेशसभाको सभामुखको निर्वाचन आज साँझ गर्न सर्वदलीय सहमति जुटेको छ ।
प्रदेशसभामा प्रतिनिधित्व गर्ने दलहरुबीच आज बिहानदेखि बसेको सर्वदलीय बैठकले आजै साँझ ६ बजे सभामुखको निर्वाचन गर्ने निर्णय गरेको हो ।
प्रदेशसभा सभामुखमा माओवादीबाट भीम भण्डारी र कांग्रेसबाट मानबहादुर रावल उम्मेदवार रहेका छन् । जेष्ठ सदस्य रावलले कांग्रेसबाट उम्मेदवारी दिएका कारण अर्का जेष्ठ सदस्य शिवराज भट्टले सभा चलाएका थिए ।
बिहीबार भएको निर्वाचनमा दुवैजनाले बहुमत ल्याउन नसकेपछि पुनः निर्वाचन मिति तोकिनुपर्ने थियो ।
शुक्रवार पुनः निर्वाचन गर्ने भनिएकोमा अचानक बैठक नै स्थगित गरिएको थियो।
सत्तारुढ एमाले र माओवादीले तत्काल सभामुखको निर्वाचन माग गरिरहेका थिए भने कांग्रेस र एकीकृत समाजवादीले निर्वाचन धकेल्न चाहेका थिए । उनीहरुले निर्वाचन प्रक्रिया सुरुदेखि नै गर्नुपर्ने अडान राखेका थिए ।
तर आज बसेको सर्वदलीय बैठकबाट भने आजै साँझ निर्वाचन गर्ने सहमति जुटेको हो । संवैधानिक व्यवस्था अनुसार प्रदेशसभाको पहिलो बैठक बसेको १५ दिनभित्र सभामुख चयन गर्नुपर्छ। माघ २ गते भित्र भने जसरी पनि निर्वाचन सकिसक्नुपर्छ ।
त्यही दिन मुख्यमन्त्रीको शपथ ग्रहण पनि तोकिएको थियो। बैठकमा प्रक्रिया पुरा गर्दा मुख्यमन्त्रीको शपथ ग्रहणको समय ४ बजेका लागि तोकिएको थियो।
शपथ ग्रहणका लागि केहिबेर प्रदेश सभाको बैठक स्थगित भयो र एक घण्टापछि बस्यो।
प्रतिक्रिया