काठमाडौं । राष्ट्रिय स्वतन्त्र पार्टी रास्वपाले सरकार संचालनका लागि गठन गरिएको उच्चस्तरीय संयन्त्रको बैठक बोलाउन माग गरेको छ ।
रास्वपाको आज बसेको केन्द्रीय समिति र संसदीय दलको संयुक्त बैठकले तत्काल उच्चस्तरीय संयन्त्रको बैठक बोलाउन माग गरेको हो । पार्टी सभापति रवि लामिछानेलाई गैरसांसदको रुपमा गृहमन्त्रालयको नेतृत्व नदिए सरकारबाटै बाहिरिने भन्दै प्रधानमन्त्रीलाई दबाब दिएको रास्वापले गृहमन्त्रालयका लागि दुई दिन कुर्ने भएको छ ।
आफुले गृहमन्त्री बन्न नपाएको झोँकमा सरकारबाटै बाहिरिने चेतावनी दिएका सभापति लामिछानेको प्रस्तावलाई अधिकांश सांसद र केन्द्रीय सदस्यहरुले अस्वीकार गरेपछि पार्टीले तत्कालका लागि मध्यमार्गी बाटो खोजेको हो ।
बैठकमा अधिकांश नेताहरुले अहिले पर्ख र हेर को नीति लिनुपर्ने सुझाव दिँदै तत्काल सरकारबाट बाहिरिए र सरकारलाई दिएको समर्थन फिर्ता लिए जनतामा नराम्रो सन्देश जाने बताएका थिए ।
प्रतिक्रिया